MSPMC Inspection Team te hian Project hrang hrang an tlawhnaah hian hna enkawltu department official-te leh hna thawktu contractor-te'n lo dawngsawngin, an hriat duh ṭul leh pawimawhte an lo hrilhfiah a ni.

MSPMC Inspection Team hian Lunglei khawpui tui lakna, Tlawng luia Public Health Engineering Department (PHED) hnuaia AMRUT 2.0 sum cheng vaibelchhe 4.7 hmanga tui khuah, concrete gravity impounding dam siam mek chu tlawh hmasa berin, hna ṭhat leh ṭhat loh an enfiah a. PHED official-te leh hna thawktu HS Construction te nen ṭha zawk, tlo zawk leh chak zawka hna thawh a nih theih nana rawtna an neihte leh bawhzui ngai hrang hrangte an sawi ho a ni.

MSPMC Inspection Team hian Commerce & Industries (C&I) Department hnuaia Integrated Infrastructure Development Centre (IIDC) Pukpuia Promotion of MSMEs in NER & Sikkim Scheme kal tlanga cheng vaibelchhe 9.9796 senga Flatted Factory (factory space 24) sak mek te, Urban Development & Poverty Alleviation (UD&PA) Department hnuaia Lunglawn ram chhung Riangvai Thlanmual bula Non-Lapsable Central Pool of Resources (NLCPR) kal tlanga cheng nuai 600 senga Lunglei Solid Waste Management Centre sak mek leh C&I Department hnuaia Public Works Department (PWD) enkawla Lunglei Chanmari-a North Eastern Council (NEC) sum cheng nuai 1,403.40 senga Lunglei Market & Trade Centre sak mekte tlawhin, an enfiah bawk.

Department official-te leh hna thawktute nen hna thawh mek dinhmun leh hmachhawp te, harsatna awmte leh ṭha zawk leh chak zawka hna thawh a nih theih nana bawhzui tur thil pawimawh hrang hrangte an sawi ho a ni.